259 ikaslek hartu dute parte Zornotzako Idazlan Lehiaketan

Zornotzako XXI. Idazlan Lehiaketak “primerako erantzuna” izan du ekimena antolatzen duen Sociedad Artístico Cultural Zornozako kideen . Izan ere, edizio honetara herriko sei ikastetxetako ikasleek egindako 259 lan aurkeztu dira.

Literatur sariketa hiru mailatan banatuta egon da eta 11 urte arteko mailako irabazlea Izaro Pagaldai Aburto izan da ‘Erlojua’ lanagatik eta bigarren saritua Aiala Bilbao Olabarrik eskuratu du ‘Betirako lagunak’ idatziarekin.

12 eta 14 urte bitarteko mailan Ane Bilbao Olabarrik jaso du lehenengo saria ‘Bai, merezi izan du’ lanarekin, eta bigarrena saria Eneko Pérez Salazarrentzat izan da ‘Gau hartako mutila’ idatziarekin.

15 eta 18 urte bitarteko mailan Naia Gallastegi Larrinagak aurkeztutako ‘Zimeltasuna’ testua izan da onena epaimahaikideentzat, eta bigarren saria Aiora Arregiren ‘Arimen gaua’k jaso du.

Hasierako esaldia

Idazlanak abenduaren 4an aurkeztu behar ziren eta partehartzaile guztiak gai librea jorratu ahal zuten. Hala ere, “Paseatzen ari ginela, gau hartako mutila ikusi dut. Berak ikusi nau, hobeto esanda” esaldiei jarraipena eman behar zioten.

XXI. edizioan 134 ikaslek aurkeztu dituzte lanak 11 urte arteko mailan; 51 ikasleren idazlanak aurkeztu dira 12 eta 14 urte bitarteko mailan eta, azkenik, 15 eta 18 urte bitarteko mailan, 74 ikasleren lanak lehiatu dira.

Aurten, osasun larrialdia dela eta, ez da sari banaketa ekitaldirik egingo eta maila bakoitzean saritutako bi lanen idazleak bakarka jasoko dute saria.

“Idaztea eta Literatura modan ez daudela esaten den garai honetan, goraipatzekoa da Zornotzako erakunde ezberdinen laguntzarekin edizio berri bat aurrera ateratzea eta ikasleek eman duten erantzuna”, nabarmendu dute SACZ-eko arduradunek.