Alaitz Melgar eta Itziar Otegiren liburu aurkezpenak Durangon, ZuNonHanDA! ekimenaren eskutik

Argazkia: Txelu Angoitia. Gerediaga elkartea

Euskal kulturaren erakusleiho erraldoia izanik, Durangoko Azokaren bokazio nagusienetako bat kultur sorkuntza zein zaletasuna hauspotzea, eta, sortzaile, bitartekari eta herritarren arteko zubi lanak eraikitzea da. Helburu horrekin abiatu zen 2020an ZuNonHanDA! ekimena.

ZuNonHanDA! egitasmoari esker, 59. Durangoko Azokan plazaratutako nobedadeen sortak Euskal Herri osoko 66 liburu saltokitan izango dira aurten, eta horietako 23 dendatan liburu bat aurkeztuko da, idazlea bertan dela. Beraz, abenduko egunetan zehar, Durangoko Azoka ibiltaria izango da, eta hartzaileen herrietara zuzenean helduko da. Hain zuzen, kulturazaleengan jarri du arreta aurtengo azokak, kultur sistema osasuntsu baterako ezinbesteko direlako.

Ekimen honen asmoa ez da soilik Durangoko Azokaren oihartzuna Euskal Herri osora zabaltzea; liburu saltokiek urte osoan zehar egiten duten lana aitortzea ere bada xedea. Hartzea ematea da, eta aurtengo lelo horri jarraituz, Durangoko Azokan hartuko den indarra Euskal Herriko dendatan emango da.

Durangon, bi aurkezpen

Alaitz Melgarrek Josefa neskame liburua aurkeztuko du abenduaren 11n, 18:30ean, Durangoko Arteka liburu dendan. Josefa Agirre Etxeberriaren bizitza du ardatz lanak, eta haren existentzia markatu zuten aukerak eta testuinguruak berreraikitzen ditu, baita haren inguru hurbileneko harremanak eta errealitateak ere.

Bestalde, Itziar Otegik Ezer ez dago utzi nuen tokian liburua aurkeztuko du abenduaren 11n, 19:00etan, Durangoko Hitz liburudendan. Donostiako Literatura Saria Kutxa 2024 jasoriko lan honek etsipenak, giza konexio iragankorrak eta denboraren igarotzea esploratzen dituzten ipuinen bidez garamatza. Oroitzapen mingarriak, obsesio iraunkorrak eta une iheskorren edertasuna biltzen dituzten istorioak ehuntzen ditu Otegik.

Dinamikaren informazio osoa, durangokoazoka.eus webguneko ZuNonHanDA! atalean.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.