Elorrioko 43 ikaslek eman dute izena euskarazko errefortzu klaseetara joateko

Elorrioko Institutuan eta Iturri Kultur Etxean ematen dira klaseak.

Euskararekin arazoak dituzten ikasleen prestakuntza hobetzeko asmoarekin, euskarazko errefortzu klaseak egitasmoa jarri du martxan Elorrioko Udalak herriko ikastetxeekin batera. 43 ikaslek eman dute izena ikastaroetan parte hartzeko eta astean bi orduz “beraien euskara indartzen saiatuko dira era ludiko batean”, Idoia Buruaga Elorrioko alkatearen esanetan.

Errefortzu klaseen helburua “euskararen ezaguera indartzea” eta herriko ikastetxeetan “hizkuntzaren erabilera” sustatzeko asmoa dutela azpimarratu du Buruagak eta ekimen honekin “Elorrioko ikastetxeek aspalditik egindako eskaera kontutan hartu du Udalak”.

“Ikastetxeen aldetik aspaldiko kezka bat da, izan ere, kasu askotan zaila egiten zaie eguneroko dinamika aurrera atera ahal izatea. Elorrioko ikastetxeetan gaur egun D eredua baino ez daukagu eta horrela izatea nahi dugu. Horrez gain, Elorrio euskaldun baten alde egin nahi badugu, gazteenengatik hasi beharko gara, haiek baitira hizkuntza honen etorkizuna”, adierazi du Buruagak.

Izena eman duten ikasleek lau taldetan banatuko dira, adinaren arabera. Behin behinean, ordubeteko bi klase eskainiko zaizkie astean eta adinaren arabera sailkatutako lau talde daude: DBHn 10 lagun, Lehen Hezkuntzako 1. 2. eta 3. mailan 15 lagun; Lehen Hezkuntzako 4. 5. eta 6. mailan 9 lagun eta, azkenik, Haur Hezkuntzako 9 lagun biltzen dira.

Antolatutako klaseak astean birritan ematen dira Ituri Kultur Etxean edo Elorrioko Institutuan. Behin-behinean, ordubeteko iraupena du klase bakoitzak eta helburua “modu ludiko batean ikasleen euskara maila indartzea bilatzen da”, adierazi du Buruagak.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.