Familia barneko euskarazko harremanak indartzeko programa antolatu du Amankomunazgoak

Umeek eta helduek elkarrekin ikasiko dituzte jolasak eta abestiak.

Durangoko Merinaldearen Amankomunazgoko Euskara Zerbitzuak eta Bizkaiko Urtxintxa Eskolak ‘Familian euskaraz jolasean’ ekimena jarri dute martxan aurten ere. Ekimen honek familia barneko euskarazko harremanak indartu nahi ditu, kalean zein parkean euskara erabiliz.

Hiru eta zortzi urte bitarteko haurrak dituzten familiei zuzendutako ekimena ordubeteko saio ludikoetan egingo da. Jardunaldi bakoitzean hizkuntza era atsegingarrian landuko da umeek euskara bizipen positiboekin lotzeko.

Saioen metodologia dinamikoa izango da eta umeek eta helduek elkarrekin jolastuz ikasiko dituzte olgetak. Jolasak eta abestiak Urtxintxa Eskolako hezitzaileek irakatsiko dizkiete. Ikasitako abesti eta jolasak etxean edo beste edozein lekutan praktikan jarri ahal izango dituzte.

Ekimena irailaren 27an hasiko da eta guztira 28 saio egingo dira Durangaldeko herrietan. Herri bakoitzean egingo diren saioak, egunak eta ordutegiak www.durangaldeaeuskaraz.eus webgunean argitaratuko dira.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.