Durangaldeko taldea Bertsolari Gazteen XXVIII. BBK sariketaren finalaurrekorako sailkatu da

DurangaldeaBertsolariGazteenBBKSariketa — Arratiako saioa irabazi ondoren, Durangaldeko taldeak Iurretan jokatuko du finalaurrekoa.

Durangaldeko bertsolari taldeak Bertsolari Gazteen XXVIII. BBK sariketaren finalaurrekorako txartela lortu zuen atzo jokatutako ekitaldian. Igorreko Arratia BHI ikastetxean jokatutako kanporaketan Arratiako taldea garaitu zuten.

Lehiaketara adinaren arabera banatzen diren bi bertsolari hirukote aurkezten ditu talde bakoitzak. 18 urte artekoan Leire Vargas, Ander Sarriugarte eta Irune Basagoiti izan ziren eskualdeko ordezkariak eta 19 eta 24 urte bitartekoan berriz, Iruri Altzerreka, Ander Elorriaga eta Iker Maguregi igo ziren agertokira.

Giro hobeezinean eta ikaslez betetako aretoan jokatutako kanporaketaren epaimahaia Ander Arrienek, Beñat Romerok eta Juanjo Respaldizak osatu zuten. Aurkezlea berriz, Xabier Irakulis izan zen eta idazkari lanak Idoia Anzorandiak bete zituen.

Arratian lortutako garaipenaren ostean, Iurretan jokatuko den lehengo finalaurrekoan izango da Durangaldeko taldea. Saioa martxoaren 16an izango da, goizeko 10:00etan hasita, Juan Orobiogoitia BHIn, eta norgehiagokan Busturialdeako taldea izango du aurrez aurre.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.