Abadiñoko Udalak harrera egin dio Gorabide elkarteari 60 urteko ibilbidea bete duelako

Abadiñoko Udalak harrera egin die Atxarte Egoitzan dauden egoiliarrei, haien familiei, profesionalei eta boluntarioei, adimen-desgaitasuna duten pertsonekin lan egiten duen Gorabide Elkartearen 60. urteurrena dela eta.

Urteurren ospakizunak, Gorabidek zentroak eta zerbitzuak dituen udalerri guztietan ari da egiten, eta Abadiñoko Udala “oso garrantzitsua da gure elkartearentzat”, Txema Franco elkarteko zuzendari gerenteak adierazi duenez. Mikel Garaizabal alkateak eta Javi Crespo Gizarte Ongizateko zinegotzi eta alkateordeak egindako harrerara 30 lagun inguru gerturatu da.

Atxarte Egoitza 1984tik dago herrian eta urte hauetan egindako “lan isila eta iraunkorra” dela adierazteaz gain “ezinbestekoa eta egunerokoa, gaitasun desberdinak dituzten pertsonak gizarteratzeko eta ikusarazteko” zeregina azpimarratu du Garaizabalek. “Gorabidek oso bide garrantzitsua ireki zuen eta bere lana sendotzen jarraitu du, administrazio publikoak inplikatuz”, Cresporen esanetan.

Gorabideren erabiltzaileen izenean, Jose Ramón Ugarrizak eskerrak eman die harrerarengatik, eta gogorarazi duenez, adimen-desgaitasuna duten pertsonok “laguntzak baino ez ditugu behar beste pertsonen berdinak izateko”.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.