Abadiñoko Udalaren lan deialdi bati gutxieneko publizitatea ematea salatu du EH Bilduk

Abadiñoko Udalak “informazio legeak derrigortzen duen minimoak aplikatuz” argitaratu duela kontabilitate sailari atxikitutako lanpostuaren deialdia salatu du EH Bilduk. Talde honek, gainera, prozesua ez dela baliagarria izango lan poltsa sortzeko ere jakinarazi du.

Udalak bete behar duen lanpostuaren deialdia “era zabalean argitaratu beharrean, udaletxeko argitarapen taulan soilik zabaldu dute”, EH Bilduren esanetan. “Guk beharrezkoa ikusten dugu era horretako informazioa herritar denei helaraztea”, talde abertzalearen ustetan.

Udalak egindako deialdiak jubilazio baten ordezkapena egin nahi du eta egindako salaketan adierazten dutenez “guk oposaketa bidez egitea eskatzen dugu”. Udalak berriz, “nahiago du behin behinean ordezkatzea”.

Administrari lanpostuaren behin behineko ordezkapena betetzeaz gain, gainerako partaideekin lan-poltsa betetzea eskatu zuen EH Bilduk. Gobernu Taldeak hala ere, ezezkoa eman dio eskakizunari.

Lanpostua betetzeko deialdiaren xehetasunak Abadiñoko Udaleko web orrian daude.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.