Amaia Zarrabeitia izango da EH Bilduren hautagaia Iurretako alkatetzarako

Iurretako EH Bildu Amaia Zarrabeitiarekin azalduko da datozen udal hauteskundeetara herriko alkatetza eskuratzeko asmoarekin. Zarrabeitiarekin batera, gaur egun zinegotzi diren Liher Aiartzaguena eta Amatza Abasolo agertzen dira, bigarren eta bosgarren postuetan.

Hauteskunde kanpainarako aukeratutako leloa “oinguen geu, oinguen Iurreta!” da. Azken hauteskundeetan talde abertzaleak Eusko Alderdi Jeltzaleak lortutako zinegotzi kopuru berbera lortu zuen, launa, baina jeltzaleek 50 boto gehiago lortu zituzten.

Zarrabeitia buru duen zerrendan Eskarne Jaio eta Xabi Rodríguez ere agertzen dira aurreko postuetan, hirugarren eta laugarren, hain zuzen. 

Iurretako EH Bilduren zerrenda:

1- Amaia Zarrabeitia. Zuzenbidean lizentziatua, partaidetzako teknikaria

2- Liher Aiartzaguena. Informatikako irakaslea DBHn, Kimuak-eko zuzendaria.

3- Eskarne Jaio. Zientziako irakaslea DBHn

4- Xabi Rodríguez. Zientziako irakaslea DBHn

5- Amatza Abasolo. Fisioterapeuta, Jai batzordeko kidea

6- Mikel Arteaga. Aldundiko funtzionarioa

7- Itziar Belar. Herri Komunikabideko administraria

8- Patxi Gallego. Metal arloko langilea, LAB sindikatuko delegatua.

9- Jasone Zenikaonadia. IVEFen lizentziatua, igerilekuko monitorea

10- Jonathan Ruiz. Rio de Oro Elkarteko kidea

11- Garbiñe Zuazo. Etxekoandrea

1- Juanjo Aiesta. Jubilatua, ibilbide luzeko borrokalaria

2- Eguzkiñe Uriondo. Basogintzako langilea, ibilbide luzeko borrokalaria

3- Mikel Sopelana. Jubilatua, ibilbide luzeko borrokalaria