Euskara sustatzeko diru-laguntza deialdi bi egingo ditu irailean Amankomunazgoak

Diru-laguntzetako bat establezimenduetako errotuluak eta webguneak euskaraz jartzeko emango da.

Durangaldeko Amankomunazgoaren osoko bilkurak euskararen erabilera indartzeko bideratuko diren diru-laguntza bi eratzea onartu du. Alde batetik, euskara sustatzeko ekintzak garatzeko emango direnak eta, bestetik, merkataritzan, ostalaritzan eta zerbitzuetan, kanpoko errotuluak eta webguneak euskaraz jartzeko bideratuko direnak.

Euskara sustatzeko ekintzak diruz laguntzeko, Durangaldeko Amankomunazgoko euskara zerbitzua osatzen duten herri guztietan edo batzuetan garatu behar da ekimena; alegia, Abadiño, Atxondo, Berriz, Durango, Elorrio, Iurreta, Izurtza, Mañaria edo Zaldibarren.

Gainera, familia bidezko transmisioa, arlo sozio-ekonomikoa, aisia eta kirola, kulturgintza, hedabideak, informazioaren eta komunikazioaren teknologiak, eta, sentsibilizazioa eta motibazioa esparruekin lotura izan beharko du.

Bestalde, errotuluak eta webguneak euskaraz jartzen dituzten establezimenduei dagokienez, horiek ere Amankomunazgoko euskara zerbitzua osatzen duten herrietan egon beharko dute. Halaber, diru-laguntza hauek bateragarriak izango dira beste erakunde batzuek helburu berberarekin argitaratzen dituztenekin.

Diru-laguntza bi horien deialdiak irailean argitaratuko dira.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.