Bosgarrena izan zen Igor Elortza, Maialen Lujanbiok irabazitako Bertso Txapelketa Nagusian

Igor-Elortza-bertsolari-txapelketa-2017 — Igor Elortza izan zen fiunalean lehiatu zen bertsolari bizkaitar bakarra (Argazkia: bertsoa.eus)

Igor Elortza bertsolari durangarrak bosgarren amaitu zuen atzo Barakaldoko BEC-en jokatutako Bertsolari Txapelketa Nagusiaren finalean. 2017ko txapelduna 2009an ere txapela jantzi zuen Maialen Lujanbio hernaniarra izan zen.

Elortzak saio txukuna eskaini zuen BEC-en bildutako 14.600 bertsozaleren aurrean eta lehia estua izan zuen buruz burukora pasatzeko Aitor Mendiluze, Sustrai Colina eta Amets Arzallusekin. Azken txanpako beste lekua Lujanbiok irabazi zuen goizean zein arratsaldeko saioetan egindako lan bikainari esker eta metatutako 1197 puntuei esker.

Finala gorabeheratsua izan zen eta goizeko saioko bigarren proban, Lujanbiorekin tokatu zitzaion zortziko txikiarena, Elortzak puntu gehien (155) lortu zituen bertsolaria izan zen, txapeldunaren beste. Gainontzeko probetan, Lujanbiok erakutsitako erregulartasunaz aparte, lehia irekia zegoen buruz burukoan egoteko Mendiluze, Colina, Arzallus eta Elortzaren artean.

Azkenean andoaindarrak eskuratu zuen Lujanbiori txapela jokatzeko txartela 1156 punturekin. Ondoren Colina eta Arzallus sailkatu ziren 1137,50 eta 1136 punturekin, hurrenez hurren, eta Elortzak 1124 puntu bildu zituen.

Buruz burukoan ere nagusitasuna erakutsi zuen Lujanbiok, guztira 1756 puntu bildu zituen, eta txapeldunordea izan zen Mendiluzek 1680,50 puntu metatu zituen.

Elortza ez zen BEC-eko agertokian egon zen Durangaldeko herritar bakarra, goizeko saioko aurkezlea eta gai-jartzailea Maite Berriozabal berriztarra izan baitzen.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.