‘Iurretan erosi’ kanpainaren baitan egindako bigarren zozketako irabazlea Carmen Santos izan da. Santosek Adatz ile-apaindegian egin zuen erosketa eta bera da uztailean zozketatu zen erosketak egiteko 100 euroko balearen irabazlea.
“Iurretan erosi” kanpainaren asmoa Iurretako komertzioei bultzakada bat ematea da eta Dendak Bai Merkatari Elkartea eta Iurretako udalak dira ekimenaren sustatzaileak.
Kanpaina hau ekainean jarri zen martxan eta dagoeneko 23 dira egitasmoarekin bat egin duten komertzioak. ‘Iurretan erosi’ kanpainarekin bat egin duten denda edo negozioetan egindako erosketen ticketak komertzio horietan dauden kutxetan sartzen ditu bezeroak, izen-abizenak eta telefona idatzi ondoren.
Parte hartzaile guztiek hilabetero egiten den zozketa batean sartzen dira eta bertan 100 euroko erosketa-balea zozketatzen da.
Kanpainaren sustatzailea den ‘Dendak Bai’tik “oso pozik” daudela kanpainak izan duen harrerarekin azaldu dute.
Cargando...
