Elorrioko 30 familia batzen ditu dagoeneko haurrei eta gurasoei zuzendurako Haziguneak

ElorrioHazigunea — Gurasoek eta zero eta sei urte bitarteko umeek erabiltzen dute martxan jarri berri den Hazigunea.

Elorrioko Udalak herriko zenbait familiekin elkarlanean sortutako Hazigunea ekimen hasiberriak, 30 familia batzen ditu dagoeneko. San Juan kaleko ‘Ametsola’ espazioan egokitutako gune berria, zero eta sei urte bitarteko haurrak eta gurasoak elkarrekin jolasteko, gozatzeko eta ondo pasatzeko erabiltzen dute.

Hazigunea autogestionatutako gune ludikoan, gainera, “eskolan egiten dituztenen bestelako ekintzak” burutzeko aukera izango dute, eragileen esanetan, eta aktibitateak gauzatzerakoan “gehien maite dituzten pertsonak” alboan izaten dituzte.

Hala ere, egitasmoak behar bezala funtzionatzeko, elkarbizitzarako jarrera oso positiboa izan behar dute erabiltzaileek, helburuetako bat “jarrera horiek haurrei ere helaraztea” delako.

Astean birritan

Lehenengo hilabetetan astean bi arratsaldetan zabalduko dute gune ludikoa, 16:30etik 19:00etara, eta gurasoak arduratuko dira lokala zabaldu eta ixteaz.

Espazio horrek eskaintzen dituen gune eta txokoetan bakoitzak bere kasara jolasteko aukera izango du. Une honetan, sormen txokoa, koltxonetak eta merienda-txokoa eskaintzen ditu eta hamabostean behin denontzako tailer bat egingo da.

Parte hartu nahi duten gurasoek izena eman behar dute Hazigunean bertan edo haziguneelorrio@gmail.com helbidean, eta dagoeneko parte diren gurasoek dituzten ardura berberak eskatuko zaizkie berriei ere.

Hazigunea ekimena iazko ekainean abiatu zen Udalak eta guraso talde batek egindako bilerekin eta abenduan azpiegitura martxan jartzea erabaki zuten. Udalarena den Ametsola espazioa Hazigunea eta Gozagunea izeneko txokoek partekatzen dute.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.