Elorrioko liburutegiak irakurketa eta orri-markagailu lehiaketetako sariak banatu ditu

DBHko ikasleei gaitasun plastikoak erakusteko aukera eman die orri markagailuen lehiaketak, eta 29 partaidek egin dute 2025eko Liburutegirako orri-markagailuaren irudia diseinatzeko saiakera.

Koloretako arkatzak, argazkia, collagea, errotulagailuak, akrilikoa zein diseinu digitala, askotariko teknikak erabili ahal izan dituzte: “Aurten deigarria iruditu zaigu baliabide digitalak trebetasun handiz erabili diren lan dezente aurkeztu direla, hau da, interneten topatutako irudiekin konposaketak egitera mugatu beharrean, euskarri digitalen gainean marraztu dutela, eta emaitza politekin egin dugu topo”, azaldu dute epaimahakideek.

Hala, Iker Alonso Alarconen diseinuak irabazi du lehiaketa, hortaz, haren irudia eramango du liburutegiko aurtengo orri markagailuak. Lehen sarituak, E-reader bat eta Arteka liburudendan gastatzeko bonua eskuratu ditu.

Lehiaketan bi aipamen berezi ere egin dira. Bata, Malen Valdivieso Serranoren marrazki eta leloari –‘Bat, liburua bera. Ugari, irakurlearen rol aukera’–, eta bestea, Izei Gallastegi Moleroren marrazki eta leloari –‘Liburuek egiten dute bidea’–.

Irakurle finak

12 urtez azpiko neska-mutilei irakurketa eta idazketa gaitasunak adierazteko erronka bota zitzaien, bestalde, 27. Irakurketa lehiaketan. Liburutegiak partaide guztiak saritu nahi izan ditu, gutxienez bi iruzkin bete dituzten guztiei liburu bana eta Arriola Antzokian urtarrila eta otsailean zehar egingo diren haur emanaldi eta filmetarako sarrera baterako bono batekin.

Lehiaketaren sari nagusia, E-reader bat, June Otaño Gonzalezi egokitu zaio, James Patterson eta Chris Grabestein-en ‘Me parto’ umorezko nobelari buruzko iruzkina idazteagatik.

Aipamen berezia jaso zuten, azkenik, Peio Altzerreka Arriolabengoak ‘Nemesioren itzala’ liburuaren iruzkinagatik eta Libe Segurola Azkarragak ‘Xomorro lapurra’- renagatik.

Sari banaketa ekitaldian Oihana Etxegibelen ipuin kontaketez gozatzeko aukera izan zuten Haur liburutegira bertaratutako haurrek.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.