Errebonbilloek tradizioz beteko dute kalea urriaren 6an

Urriko lehen domeka denboran lau mende atzera egiteko eguna da Elorrion. Goizaldetik arratsaldera bitartean, Errebonbilloen alardearen ikuskizunaz gozatuko dute herritarrek.

Urriaren 6an berriro entzungo dira Errebonbilloetako alardearen doinuak kalean goizeko lehen ordutik, egitarau tradizional eta bereziari hasiera emanaz.

Izan ere, goizeko bostetan hasiko dira Errebonbilloak udaletxean jaurtigairik gabeko munizioak botatzen, euren txano, frak eta txorrerak soinean. Jarraian, kaleetan zehar ibiliko dira tiroka, eta, indarrak berreskuratzeko, alkateak gosarira gonbidatuko ditu ondoren.

Nesken gomazko paleten partidak

Lau mende baino gehiago dituen ohitura hau kirol eta kultur ekintzekin borobilduko da, ohi bezala. Hala, 11:00etan, Nesken Gomazko Paleten Zirkuituko partidak jokatuko dituzte kiroldegiko Hilario Azkarate frontoian. 11:30ean, berriz, Basilikako Koruak girotutako meza ospatuko da, ohi bezala, eta ostean, 13:00etan, Durangaldeko Jaizale Txistulariek kontzertua emango dute herriko plazan, beste musikari batzuekin batera.

Azkenik, arratsaldeko bostetan, Elorrioko Errebonbilloek Errosarioko Amabirjinari lagunduko diote prozesioan, eta herritarrekin batera soka-dantza dantzatuko dute plazan.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.