Euskal Jaia ospatuko du Amorebieta-Etxanok larunbatean

Datorren larunbatean, urriak 5, Amorebieta-Etxano jai giroan murgilduko da beste behin, oraingoan, Euskal Jai eguna ospatzeko. Euskal kulturari eta tradizioari loturiko festa handia da Euskal Jaia eta, urtero legez, dantza eta musika oinarri hartuta, ekintza egitarau oparoa antolatu dute herriko kultur talde zein gizarte eragile desberdinek, Amorebieta-Etxanoko Udalaren babesarekin.

Izan ere, Udalak, euskal tradizio eta ohiturak babestu eta sustatzearen aldeko apustuan, 13.370,46€ bideratu ditu aurtengo Euskal Jaira, besteak beste musika-ekitaldiak, soinu-ekipoak, aulkiak, mahaiak, elektrizitatea edota komunen instalaziorako. Horrez gain, ur-instalazioa, agertokia eta hesiak ere jarriko ditu Udalak.

Aurtengo Euskal Jaia, haur, gazte zein helduentzako ekintza eta ekitaldiz josirik dator. Goizeko 11:30etan erraldoiez, buruhaundiz, gaiteroz eta txistulariz osaturiko dianak emango dio hasiera euskal festari, herriko kale eta plazak musikaz alaituz eta girotuz. 12:15ean, baina, txupinak iragarriko du Euskal Jaiaren hasiera eta ondoren bertsoak eta agurra izango dira Herriko Plazan.

Zornotzako Musika Banda

Hala, goizean zehar musika eta dantza izango dira protagonista nagusiak: 12:30ean herriko ikastetxeetako dantza eta abesti erakustaldia egingo da Herriko Plazan; 13:00etatik aurrera, musika kantu eta dantza nagusi izango dira herriko kale desberdinetan eta aldi berean Gaztedi Barri txaranga ere arituko da jaia girotzen, Lopenaren aurrean. Horrez gain, eguerdiko 14: 00etan, Zornotzako Musika Bandak kontzertua eskainiko du eta kalejira bat eta txalaparta doinuak ere entzungo dira herrian, azken horiek, Zelaieta parkean.

15:00etan bazkari herrikoia egingo da Zelaieta Parkean eta bazkal ostean, bingo musikatuak eta DJ Jonkassek girotuko dute festa. Arratsaldean, halaber, 16:30-18:30 bitartean, haurrentzako baserriko kirol parkea egongo da Zelaietan, eta 19:30ean, Kittu taldearen kale emanaldia, Luis Urrengoetxean.

Jardunaldiari amaiera emateko, 22:00etan, Zutik taldearen erromeria egingo da Zelaieta parkean, eta bertako ekoizleek emandako tokiko produktuekin osatutako saski baten zozketa ere egingo da. Gainera, egunean zehar Euskal Jaiko zapiak jarriko dira salgai.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.