Durangoko Azokaren 55. edizioa iragartzeko sportak ‘TaupaDA!’ leloari eutsi eta ideia horrekin jolastu nahi du, eta horregatik, “ez dadila euskal kulturaren taupada eten!” nabarmendu nahi izan dute Gerediaga elkarteko kideek.
Sorland agentziak egindako bideoan Eneritz Zeberio dantzari ondarrutarra eta Ane Pikazak edizio honetako kartelaren egileak sortutako ilustrazioak uztartzen dira. Iragarkia Atxondoko Martzaa elizatean grabatu du Sorland agentziak.
Iragarkia bihotz baten taupadekin hasten da, aurtengo Azokako kartelaren izaerari jarraituz. Grisa den paisaiari kolorea emango dio dantzari batek bere mugimenduekin, musika hasiko da eta bihotza hamaika koloretan. “Une batez, gelditu egin zitzaigun bihotza. Gehiago ez entzuteko, ez ikusteko, ez irakurtzeko ikara sartu zitzaigun… Eta, bat-batean, taupada bat; eta gero bigarrena, hirugarrena, laugarrena. Tau pa DA!”, adierazi dute iragarkiaren egileak.
Cargando...
