Euskararen erabilera bultzatzeko saio berezia eskainiko du Koikilik

Berrizko Udalak kiroletan eta teknologia berrietan euskararen erabilera sustatzeko ikastaroak antolatu ditu. ???Euskaratek??? izeneko ekimena urtarrilean burutuko da, bost saio desberdinetan, eta Lehen Hezkuntzako bigarren zikloko eta DBHko ikasleei zuzenduta dago.

Koikili Lertxundi Athleticeko jokalariak (Itzarri Consulting zerbitzuaren bitartez) Berrizko gaztetxoei saio berezia eskainiko die urtarrilean. Ikasleei zuzenduta dago ikastaroa, Lehen Hezkuntzako bigarren ziklokoei eta DBHkoei hain zuzen.

Kiroletan eta teknologia berrietan euskara erabiltzeko saioak dinamizatuko ditu Koikilik. Berarekin batera Ander Iturraspe jokalaria egongo da. ???Euskaratek??? izeneko ikastaro hau datorren astelehenean aurkeztuko dute bi jokalariek, arratsaldeko 7etan kultur etxean.

Euskaraz trebatzeko saioak eskolaz kanpoko orduetan egingo dira. Saio horietan jendaurrean norbere burua aurkezteko trebetasuna landuko dute eta, horretaz gain, teknologia berriak euskaraz erabiliko dituzte. Guztira bost saio desberdin antolatu dituzte, urtarrilaren 18, 22, 25, 27 eta 29an egingo dira. Guztiak 19.00etan hasiko dira. Parte hartu nahi duenak urtarrilaren 14a baino lehen eman beharko du izena udaletxean.

Otsailean eta martxoan berriz, kirol entrenamenduak euskaraz egiteko trebatze saio bereziak eskainiko ditu Koikilik. Kirol taldeetan ere euskararen erabilera bultzatu nahi da. Horretarako euskara-gaztelania hiztegi teknikoa ezagutzera eman, entrenatzaileei trebakuntza berezia eman eta lan saioetan esku-hartze zuzena eskainiko du.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.