Ferixa Nausikoetako kartel lehiaketaren irabazleak 500 euro eskuratuko ditu

2018ko Ferixa Nausiko jaiak iragarriko dituen kartela aukeratzeko deialdia egin du Elorrioko Udalak. Aurten ere, aukeratutako lanaren egileak 500 euroko saria eskuratuko du eta irabazlea herritarren botoekin zein epaimahai teknikoaren erabakiarekin aukeratuko da.

Lehiaketara nahi duten sortzaile guztiek aurkeztu daitezke eta partaide bakoitzak nahi beste lan aurkeztu ahal izango ditu. Kartel bakoitzak 70x50eko neurriak izan behar du eta bertan ‘Ferixa Nausikoak 2017 –Elorrio– irailak 1–9’ testua agertu behar du derrigorrez.

Kartelak luma-paperean zein photoshop programarekin bateragarria den formatu digitalean aurkeztu behar dira. Lanak Udaletxeko HAZ bulegora eraman behar dira eta entregatzeko epea maiatzaren 31n amaitzen da.

Aurten ere herri epaimahaiak eta epaimahai teknikoak aukeratuko dute lan irabazlea. Aurkeztutako lan guztiak Iturri Kultur Etxeko sarreran egongo dira ikusgai ekainaren 2tik 16ra bitartean eta bertaratzen diren herritarrek botoa emateko aukera izango dute. Epaimahai teknikoa berriz, Udaleko eta jai batzordeko kideek eta arte grafikoetako profesional batek osatuko dute.

Lehiaketan ez dira onartuko Emakumeen eta Gizonen Berdintasunerako Legearen artikuluak betetzen ez dituzten lanak.

Irabazlearen izena ekainaren 22an emango da ezagutzera.

Informazio gehiago nahi duenak Iturri Kultur Etxeran eskatu dezake edo bertako telefonora deitu (946 032 032) edo e-mailera idatzi (iturri@elorrio.eus).

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.