Gabon doinuekin osatutako kontzertua antolatu dute Jaizaleko txistulariek

Gabonetako kontzertua eskainiko dute urtero legez Jaizale-Durangaldeko Txistulariek eta aurtengo agerraldian elkarteko musikariekin batera Euskal Herriko zenbait lekutik gerturatutako txistulariak, metalak, hari orkestra eta abesbatza izango dira. Kontzertua bihar izango da, 13.00etan, Durangoko Jesuiten elizan eta ekitaldiko egitaraua Gabon kantekin osatuko da.

Aurtengo agerraldian 60 bat partaide bilduko dira kontzertua eskaintzeko, agertokian Jaizaleko txistulariekin batera Zornotza, Ondarroa eta Arabatik gerturatutakoak ere izango baitira. Halaber, Abadiñoko Done Zezili koruko abeslariak, Durangoko metal hirukoteko eta hari boskoteko musikariak, tartekatuko dira egitarauko piezak eskaintzeko.

Kontzertuko zuzendariak Eleder Iturrieta eta Yolanda Etxeita izango dira, azken honek korua gidatzeaz gain soinulari lanak ere egingo dituela. Felipe Zelaieta txistulari-bertsolariak berriz, bertsoz egingo du kontzertuko aurkezpena.

Kontzertua, gabon abestiz osotuko dute eta prestatutako egitarauan Fer Aurrekoetxea txistulari bizkaitarrak moldatutako piezak tartekatuko dituzte. Ekitaldiko partaideak abesti zaharrak era berrian jo eta abestuko dituzte.

Egitarua:

1- Noche de paz, Mold. Fer Aurrekoetxea
2- Gabon eguna, J. Olaizola/Javier Hdez.
3- Mesias sarritan, B. Erzilla/Luis Aranburu
4- Gaur gabon, Luis Elizalde
5- Oi Betleem, Mold. Fer Aurrekoetxea
6- Aingeruetazko soinua, Lorenzo Ondarra
7- Dringilin dron, Mold. Fer Aurrekoetxea
8- Birjiña maite, Mold. Fer Aurrekoetxea
9- Hator hator, Mold. Fer Aurrekoetxea

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.