“Iaz konfinamenduagatik bertan behera laga zen” Landareen Azoka aurten egiteko itxaropena zeukan Garaiko Udalak. Tamalez, hasieran, apirilaren 18rako jarritako hitzordua, bertan behera uztea erabaki dute ekimena antolatzen duten Udalak eta Urkiola Landa Garapenerako Alkarteak.
Antolatzaileek “izurriteak eragindako kutsatzeen bilakaera ezkorra” izan dute kontuan eta ekitaldia ospatzeko aurtengo Udal aurrekontuetan jasota bazegoen, “egoerak, tentuz eta zuhurtziaz jokatzera behartzen gaitu”, herriko agintariek adierazi dutenez.
Kutsatzeen kopurua “izugarri hazi delako eta txertatze-kanpaina uste baino motelago doalako” eta “txertoak uste eta nahi baino beranduago iristearen ondorioz” hartu behar izan dute azoka ez egiteko erabakia.
Gainera, antolatzaileek kontuan izan dituzte bestelako hainbat arrazoi, “landareen azoka egin ohi den eremuan suerta daitekeen herritar eta bisitarien pilaketa, distantzia fisikoa zaintzeko ezintasuna eta bestelako inguruabarrak”.
San Migel elizaren berdegune kokaleku izan behar zuen aurtengo Landareen Azoka egiteko baldintzak ez dagoenez, 2022an Garaiko Landareen Azoka egin ahal izatea “zinez” espero dute, “izurritearen aurreko urteetan egin bezala, herritarren eta bisitarien partaidetza handiarekin eta giro ezin hobearekin”.
Cargando...
