Garaiko Udalak dirulaguntzak emango dizkie 2023an kirol jarduerak egin zituzten herritarrei

Garaiko Udalak diruz lagunduko ditu kirola egiten duten pertsonak, kontuan hartuta udalerriko azpiegiturak urriak direla eta kirol-jarduera udalerritik kanpo egin behar dela. Dirulaguntza 2023. urteari dagokio, eta egindako gastuaren % 30 lagunduko da diruz.

Udal arduradunek “garrantzitsutzat jotzen du jokabide osasuntsuak sustatzea eta laguntzea herritarren artean”. Hala ere, herritarrek “azpiegitura urriak dituztenez” kirolean jarduteko, “herritarrek inguruko udalek edo enpresek kudeatzen dituzten instalazioetan ematen dute izena”.

Jokabide osasuntsu horiek indartu eta herritarrek egin ohi duten ahalegin ekonomikoa laguntzeko helburuarekin, dirulaguntzak “guztizko gastuaren %30 izango da”, gehienez ere, 100 eurokoa eskatzaile bakoitzeko.

Laguntza jaso nahi duten herritarrek, udalerrian erroldatuta egon beharko dute eskaera egin baino urtebete lehenago, gutxienez, eta ikastaroa amaitu arte. Hala berean, Durangaldeko udalerrietako edozein kiroletako udal institututan (KUI) edota kirolgunetan izena emanda egotea ezinbestekoa izango da.

Bestetik, eskatzailearen familia-unitateak egunean izan behar ditu Garaiko Udalari ordaindu beharreko zerga, tasa eta prezio publikoen ordainketa guztiak.

Dirulaguntzak jasotzeko eskaerak Udalaren Erregistroan aurkeztu behar dira, martxoaren 22ra arte. Eskaeran, dirulaguntza zein egitarau edo jardueratarako eskatzen den zehaztuko da, eta eskabidearekin batera, besteak beste, eginiko kirol-jardueraren faktura edo ordainagiria aurkeztu beharko da eta helburu bera betetzeko jasotzen diren bestelako dirulaguntzen berri adierazi.