Guda Zibilean faxismoaren kontra burrukatu zutenak gogoratuko dituzte

Guda Zibilaren 75. urteurrena gogoratuko dute Mañarian. Horretarako, Udalak eta Gerediaga Elkarteak ekitaldiak prestatu dituzte. Aste guztian zehar erakusketa bat izango da ikusgai, eta larunbatean, berriz, oroimen ekitaldia egingo dute udaletxean.

Aste guztian zehar eta igandera arte, “Guda Zibila Durangaldean” izeneko erakusketa ikusgai izango da Mañariko Kultur Etxean, goizez eta arratsaldez. Erakusketa honetan 1936ko uztailaren 18tik 1937ko maiatzaren 23ra bitartean eskualdean izandako gertaera historikoen berri ematen da: gerraren aurrekariak, Otxandio eta Durangoko bonbardaketak, martxoaren 31ko eraso orokorra, Saibigain eta Intxortako gudaldiak eta Mañariaren erorialdia, besteak beste.

Bestalde, maiatzaren 19an eta eguerdiko 12:30ean, “negu bortitzean harri artean askatasun ametsa bizirik iraunarazi zuten gizon eta andreei”, Mañariko herriaren oroimen ekitaldia burutuko da udaletxean.

Bertan, askatasunaren alde eta faxismoaren aurka burrukatu zuten gizon eta andreen oroimenezko plakaren desestaltzea egingo da, eta agintarien hitzak izango dira batzar aretoan. Ondoren, Jon Irazabal historiagilearen “Mañaria gerra garaian” mintzaldia egongo da eta bukatzeko luntxa eskainiko da.

“Publiko orokorrari zabaldutako ekitaldi bat izango da, baina protagonista nagusiak lekukoak izango dira”, azaldu dute antolatzaileek.

DURANGON. Mañariko albisteak

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.