‘Hitzak irudietan, irudiak hitzetan’ izeneko tailerra eskainiko die oraingo honetan Elorrioko Udal Liburutegiak DBHko ikasleei. Idazketaren, irudigintzaren eta irakurketaren bitartez, partaideek sorkuntza propioa garatzeko tresnak jasoko dituzte, ariketa jostagarrien bitartez orri zuriari beldurra kentzeko helburuarekin. Egiteko horretan bidelagun paregabeak izango dituzte, Amaia Egidazu Arrube durangarra eta Miren Amuriza Plaza berriztarra.
Miren Amurizak hainbat literatura lan argitaratu ditu dagoeneko, eta azkenaldian gazte literatura jorratzen aritu da. Izan ere, iaz ‘Pleibak’ izeneko nobela kaleratu zuen, haurtzarotik nerabezarorako trantsizioa ardatz hartuta.
Amaia Egidazu ere sortzaile emankorra da, eta gustuko du elkarlanean aritzea; horren adibide da Saroa Bikandirekin batera egindako ‘Poltsikorako poemak’ liburuxka sorta. Gainera, Etxepare saria jaso zuen 202ean, ‘Dorotea’ albumagatik.
Bost saioetatik lehenengoa datorren astelehenean izango da, hilaren 13an, eta hurrengoak urtarrilaren 27an, otsailaren 10ean, 24ean eta martxoaren 3an. Hau da, bi astelehenetik behin elkartuko dira, Elorrioko Udal liburutegian, 17:00etatik 18:30era.
Izena emateko, bertaratu Iturri Kultur Etxera, deitu 946 032 032 telefonora edo idatzi liburutegia@elorrio.eus helbidera.
Cargando...
