Deseskalatzearen 2. faseak ahalbidetuta, astelehenean berrirekiko ditu ateak Mañarin natur zientziei lotutako zenbait material erakusgai dituen Hontza Museoak. Bisitaldietan familia-unitateak eta gehienez 10 pertsonentzako talde-bisitak hartuko dira.
Hontza Museoaren arduradunek “gogoz eta ilusioz” bueltatzen direla diote. Hala ere “bizitzen ari garen egoerak, babeserako neurriak hartzera behartzen gaitu” eta horregatik erakusketa bisitatzen dutenek, maskarila erabili beharko dute, eskuak zein oinetakoen zolak garbitu behar dituzte museora sartzerakoan eta sarreraren ordainketa banku-txartelarekin egin beharko da.
Ez dira segurtasun neurri bakarrak, bertaratu nahi dutenek bista-ordua aldez aurretik hartu beharko dutelako 618686736 telefonora deituta. Taldeen bisitaldiak ez badira onartzen, Museoaren arduradunek gidatutako bisitak eskainiko dituzte gehienez hamar pertsonez osatutako taldeentzat.
Museoa astelehenetik igandera egongo da zabalik, eta ordutegia 11:00etatik 13:00etara, eta 17:00etatik 19:00retara izango da. Txanda hartzeko, edo beste ordutegirik edo behar berezirik edukiz gero, aipatutako telefonora deitu behar da.
Cargando...
Impresionante museo, solo puedo decir que si no lo conoceis, ir y si lo conoceis repetir. Merece muchísimo. El te explicará todo, y alucinas. Para niños muy bien, pero los adultos muchísimo más provecho.