Azaroa heltzearekin batera, Elorrioko Erdella mendi taldeak urtero antolatze duen Mendi Astea hasiko du gaur bertan. Iturri Kultur Etxean arratsaldeko 19.30ean izango diren ekitaldietan hitzaldiak eta emanaldiak tartekatuko dira eta aurtengo protagonistak, besteak beste, Oihana Kortazar eta Alberto Ceberio izango dira.
Aurtengo Mendi Astea gaur bertan hasiko da Iñigo Iruretagoienaren ’74 días atravesando el Himalaya’ emanaldiarekin. Mendiko zeharkaldi horretan 2.000 kilometroko ibilbidea egin zuen mendizale getxoztarrak, Kanchejungan abiatu eta Dolpo ingururaino.
Oihana Kortazar elgetarra izango da biharko berbaldiko protagonista eta bere ekitaldian ‘Mendi lasterketak’ izango ditu hizpide. Kortazarrek hainbat mendiko lasterketa irabazi ditu Espainian zein mundu osoan eta 2011n Skyrunnin World Serieseko Munduko Txapelkduna izan zen eta Europako Txapelketa irabazi zuen kilometro bertikala eta skyrace proba konbinatuan. 2012an lasterketa bertikalen Munduko Txapelduna izan zen.
Elorrioko Gaztetxean izango da eguazteneko ekitaldia. Saioko protagonistak Jairo del Río eta Rubén Treceño izango dira eta solasaldiak ‘Roca y agua: Europa a través de sus barrancos’ izango da solasaldiaren izenburu.
Xanti Ugartek eta Oñatiko Aloña Espeleologia Taldeak egindako ‘Urzulo’ dokumentala izango da ikusgai eguenean. Pelikula hau Aloña mendian dagoen Urzulo kobazuloan egindako esplorazioan oinarritzen da eta iazko Bilboko Mendi Film Festivaleko euskaraz egindako pelikula onenaren saria eskuratu zuen.
Barikuko hitzaldiak mendian izan behar den segurtasuna izango du hizpide. Ekitaldian Alberto Ceberio izango da hizlari eta bere barriketaldiak ‘Disfrutar con seguridad en la montaña’ izango du izenburu.
Aurtengo Mendiko Astea Erdella Mendi Taldeak aurtengo irteeretan ateratako argazki erakusketarekin eta bigarren mendi eskuko mendi materialaren merkatuarekin osatuko da. Bata zein bestea 18.00etatik 19.30era izango dira ikusgai.
Mendiko Astea Erdellaren lokalean zapatuan 16.30ean egingo den urteko asanbladarekin eta horren ostean egingo den luntxarekin osatuko da.
Cargando...
