Izaera soziala duen enpresa bat sortzeko Erasmus+ programari ekin diote Urritxeko ikasleek

IES Urritxe BHIko ikasle zornotzarrek Erasmus+ programaren bigarren zatiari ekin diote gaur, ekintzailetza ardatz izango duen zikloari. Ekimenean parte hartuko duten ikasleen helburua izaera sozialeko enpresa bat sortzea izango da.

Programak hamar mugikortasun-aukera aurreikusten ditu: ikasle atzerritarrak Amorebieta-Etxanora etorriko dira, eta udalerriko ikasleak Europako hainbat herrialdetara joan ahal izango dira. Izan ere, programaren bigarren fase honetan, Amorebieta-Etxanon izango dira Turkiako Beysehir Mesleki Ve Teknik Anadolu Lisesiko ikasleak, Txekiar Errepublikako Obchodni Akademiekoak, Italiako Istituto Tecnico Industriale L. da Vincikoak, Portugalgo Agrupamento de Escolas José Sanches e São Vicente da Beirakoak eta Errumaniako Liceul Teoretic de Informatica ‘Grigore Moisil’koak.

Erronka bat

Amorebieta-Etxanoko Udalak aurkezpen eta ongietorri ekitaldian hartu du parte, eta esker hitzak izan ditu ikasleentzat programan parte hartzeagatik eta udalerrira hurbiltzeagatik. Ainhoa Salterainek, Gizarte Ekintza eta Berdintasuneko zinegotziak, Erasmus+ programaren garrantzia gogorarazi die bertaratutakoei “programa hau erronka bat izango da parte hartu duzuen neska-mutil guztientzat” adieraziz.

“Oraintxe kontziente izan ez arren, aukera honi esker zentzu guztietan aberasgarriak izango diren esperientzia ahaztezinak biziko dituzue”, azpimarratu du Salterainek, eta eskerrak eman dizkie Amorebieta-Etxanoko gazteei aukera hau eskaini dieten guztiei, bereziki programa aurrera eraman duten Javi Mendiola, Argiñe González eta Janire Villanueva irakasleei.

Amorebieta-Etxanoko Udalak, gainera, Rosalinda Incardonaren grabatu bat oparitu die bertan bildutakoei. Rosalinda artista italiarra da, Veneziako Arte Ederretako Unibertsitatean pintura ikasi zuen eta grabatu kalkografikoan espezializatu zen; Amorebieta-Etxanon bizi da 2006tik, eta marrazketa eta akuarela tailerrak ematen ditu bere estudioan.

Aurkezpen-ekitaldia amaitu ondoren, ikasleek hainbat mintegitan hartu dute parte, eta, ondoren, Urritxe institutua bisitatu dute. Lehen eguna bazkari baten bueltan amaitu dute.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.