Elorrioko Musikaire jaialdiak aniztasuna izango du ardatz asteburu honetan gaurko agerraldian jazz doinuak eskainiko dituen Elkano Browning Cream taldeak joko baitu, bihar musika klasikoa zabaldu eta txalaparta bultzatu nahi duen Basabi taldearen txanda izango da eta domekan Barsantiren ‘Kale gorria’ ikuskizun familiarra izango da ikusgai.
Frank Mantegari (bateria), Dave Wilkinson (guitarra eta ahotsa) eta Mikel Azpiroz (Hammond B3) biltzen dituen Elkano Browning Cream taldeak ibilbide oparoa egin du 2007an lehen diskoa argitaratu zuenetik. Jazzeko formatu klasikotik abiatuta, hirukoa askoz haratago tenkatzen dute, paisaia afrikar, sortaldeko edo europar gauekoak iradokitzen dituzten konposizio magnetikoekin, beti ere tradizioaren eta egungo joeren arteko orekaren barruan.
Iñigo Coto (biolina), Marina Barredo (biola), Ricardo de Lucas (kontrabaxua), Alicia GriffIths (harpa) eta Sergio Lamuedra & Txomin Dhersek (txalaparta) osatzen duten Basabi taldearen helburua nagusia musika klasikoa zabaltzea eta txalaparta bultzatzea da. Biharko agerraldian agerian utziko dute txalapartaren hotsa sokazko musika tresnen sonoritatea disziplina biziago eta organikoagoan eraldatuko dela, bere baitan irisgarritasun eta esperimentazioa duen ikuskizunak sortuz.
Gaurko eta biharko agerraldiak 22:30ean hasiko badira, domekan Barsanti konpainiak eskainiko duen ‘Kale gorrian’ ikuskizuna arratsaldeko 19:30etan hasiko da. Agerraldiko protagonistak beraien etxetik bota behar dituzten adineko senar-emazteak dira, baina auzokideak kalean bildu dira eta polizia ere bertan dago epailearen agindua betetzeko.
Cargando...
