Kurutziaga Ikastolak ‘Ateak zabalik’ jardunaldia antolatu du biharko

Ekain pailazoa (argazkia: Kulturaz. Azpeitiko Kultur Kooperatiba)

Kurutziaga Ikastolak ‘Ateak zabalik’ jardunaldia antolatu du bihar goizerako. Ekimen honen bidez, ikastola eta bertan eskaintzen den hezkuntza proiektua bertatik bertara ezagutu ahal izango dira.

Jardunaldia “gure hezkuntza proiektua ezagutu nahi duten familiei zuzenduta dago”, arduradunek azpimarratu dutenez. Gainera, ikastolako kideek interesa izan dezakeen norbait ezagutzen badute, ekitaldira gonbidatzera animatzen dituzte.

“Hainbat dira, aurrez egindako bisitaren batetik ikastola ezagutzen duten familiak”, adierazi dute arduradunek. Gainera, jardunaldi honekin “jakingurak ezagutu eta argitu gura ditugu”.

‘Ateak zabalik’ jardunaldian parte hartu nahi duenak, baina biharko hitzordura hurbildu ezin bada, beste edozein egunetan egin dezake bisita. Horretarako, kurutziagaikastola.eus webguneko iragarkian dagoen loturan aurkituko duten galdetegia erantzun, ikastolako 946 200 822 telefonora deitu edo idazkaritza@kurutziagaikastola.eus e-mailera idatzi dezakete.

Ekain pailazoa

Eguna borobiltzeko, Ekain pailazoaren ‘Slapstik’ ikuskizunaren emanaldia antolatu du Kurutziaga ikastolak. Agerraldia 17:30ean hasiko da Plateruena kultur aterpean eta Durangoko familia guztientzat dago zabalik.

Ekain pailazoa Gure Zirkuarekin ibili izan da, ikuskizunari kolore berezia eskainiz. Orain bakarkako ibilbideari ekin dio, malabareak, barreak eta familian beste trikimailu txundigarri asko ikusteko aukera emanez.

Sarrerak bihar bertan erosi ahal izango dira Plateruenan eta saioarekin batera txokolate beroa hartzeko aukera egongo da.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.