Mallabiak historiaurreko ondarearen balioa nabarmendu du Oizko Ibilbide Megalitikoaren bidez

Eguneko aisialdi aukera gisa Aste Santuan, Oiz mendiko arkeologia-aberastasuna ezagutzeko Oiz ibilbide Megalitikoa ezagutzera gonbidatzen ditu Mallabiko Udalak herritarrak zein bisitariak.

Ibilbide kultural honek oraindik askorentzat ezezaguna den Bizkaiko megalitiko multzorik garrantzitsuenetako bat ezagutzeko aukera ematen du. Oiz mendiko hegoaldeko maldan, Mallabiko udalerrian eta Berrizekin muga egiten duen eremuan, trikuharri, tumulu eta harrespilez osatutako megalitiko estazio bat dago, Kristo aurreko IV. eta I. milurtekoen artean eraikitakoa. Probazelaiburuko trikuharriak, Ipiñarrietako tumulua eta Iturzuriganako harrespila bezalako monumentuak heriotza-errituko praktika zaharren lekuko izan ziren, eta, aldi berean, gizaki prehistorikoen ingurunearekin zuten harremana islatzen dute.

2021 eta 2024 urte bitartean, AGIRI Arkeologia Elkartearen zuzendaritzapean garatutako proiektuak multzo arkeologiko honen ikusgarritasuna eta ezagutza hobetzeko aukera eskaintzen du gaur egun. Indusketa eta ikerketa zientifikoak egin dira, monumentu dokumentatuen kopurua handituz, eta ibilbide irisgarri eta ondo seinalizatua ezarri da.

Undakortan hasi eta Iturrizurinen amaitzen den ibilbideak 6,5 km-ko luzera du, 250 metroko malda eta bi ordu inguruko iraupena. Ibilbidea lineala da, zailtasun txikikoa eta paisaiaz eta ondareaz gozatzeko aukera paregabea eskaintzen du.

Lan honi esker, gaur egun interes historiko, natural eta hezigarria duen ondarea du Mallabik, udalerriaren iragan urrunera hurbiltzeko aukera ematen duena, eta, aldi berean, aire librean esperientzia irisgarri batez gozatzeko aukera ere eskaintzen duena.

Arkeologia hizpide duen hitzaldia

Eta hain zuzen ibilbide honek eskaintzen duen arkeologia ondare horri lotuta, Mallabiko Udalak hitzaldi berezi bat antolatu du maiatzaren 8rako, Kultur Hamabostaldi programaren barruan jasota.

Arkeologia eta generoa. Emakumeen ikusgarritasuna kultura megalitikoetan izenburupean, hitzaldia eko hitzaldia Kontzejuzarrean izango da, 19:00etan, Cristina Camarero Arribasek (UPV-EHU) gidatuta. Hitzaldiaren inguruko xehetasunak aurrerago azalduko ditu Mallabiko Udalak.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.