Milaka pertsona batuko ditu bariku eta zapatuan Durangon ospatuko den 40 Minutu Rock jaialdiak

‘Elkartasun dantzaldia’ eta ‘Etxerako giltzak’ ekitaldiek emango diete hasiera barikuan aurtengo edizioari. Zapatuan, berriz, egun osoko musika jaialdia ospatuko da Landako Gunean.

Euskal preso eta iheslariekiko elkartasuna eta musika uztartzen duen jaialdia bi egunez ospatuko da aurten estrainekoz. Barikuan, otsailaren 22an, aita, ama edo guraso biak preso dituzten umeak izango dira protagonista. Horretarako, Pirritx, Porrotx eta Marimototsen partaidetzarekin egingo den ‘Elkartasun dantzaldia’ ikuskizunarekin emango zaio hasiera jaialdiari arratsaldeko 18:30etan.

Horren ondoren, gaueko 22:00etan, Gotzon Barandiaranek koordinatuko duen ‘Etxerako giltzak: Preso, iheslari eta deportatuen ausentziaz’ ikuskizuna ikusteko aukera egongo da. Narratzaile lanak Ane Gabilondo eta Uribarri Atxotegi dantzari durangarrek egingo dituzte dantzaren bidez. Miren Amuriza eta Nerea Ibarzabal bertsolariek eta Mikel Urdangarin eta Ines Osinaga musikariek ere parte hartuko dute ikuskizunean.

Zapatuan, otsailaren 23an, 16 musika talde eta disko jartzaile izango dira protagonista. Landako Guneko ateak goizeko 10:30etan irekiko dira 40 Minutu Rock jaialdiaren 5. edizioko kontzertuei hasiera emateko.

Landako Guneko ordutegia:

10:30 Hesian

12:40 Nogen

13:45 Brigade Loco

14:50 Ezetaerre

15:55 Huntza

17:10 Ira

18:15 Parabellum

19:30 Bad Sound

20:40 Zea Mays

21:55 Rude Pride

23:05 Esne Beltza

00:20 Zirkinik Bez

Karpako ordutegia:

Egunez Dj Alus

18:15 Gorpuzkingz

21:55 Suaia

Gauez Dj Elepunto