Arrakalak

Arrakalak

Amaitzear dugu urte berezi hau. Urte ezberdina; besarkada bakoa, dantza bakoa, jai bakoa, mosu gutxi eta mosuko askoduna. Nekez ahaztuko dugun urtea.

Arrakalak ageriago utzi dituen urtea. Soldata dutenen eta ez dutenen arteko arrakala. Espazio publiko eta pribatuaren erabileraren arteko arrakala. Sarean ibiltzeko aukera daukatenen eta ez daukatenen arteko arrakala. Etxean laguntza izan duten umeen eta ez dutenen arteko arrakala. Kapitalismoak sortzen dituen arrakalak. Zaintzan aurkitzen ditugun arrakalak. Indarkeriak eragiten dituen arrakalak. Gure gizarteko hainbat esparrutan dagoen genero arrakala; lan merkatuan dagoen genero arrakala, genero arrakala digitala…

Udaberri bako etxealdian izan dugun denbora aprobetxatuz, wikiemakumeok igeltsero lanetan ibili gara eta arrakala batzuk konpontzen saiatu gara. Izan ere, genero arrakala nabaria da wikipedian ere. Emakumeon presentzia ez da %20ra heltzen euskarazko wikipedian. Hango eta hemengo hainbat emakumeren biografiak gehitu ditugun arren, oraindik helburutik urrun gaude. Desoreka ikusteko, Durangaldeko ondorengo datuei begiratu bat ematea besterik ez dago.

Euskarazko Wikipedian azaltzen diren Durangaldeko gizon eta emakumeen datuak:

Nondarrak	Guztira	Gizonezkoak	Andrazkoak
Abadiñarrak	37	26	11
Atxondarrak	8	6	2
Berriztarrak	20	18	2
Durangarrak	106	73	33
Elorriarrak	31	20	11
Ermuarrak	33	20	13
Garaitarrak	7	6	1
Iurretarrak	21	17	4
Izurtzarrak	3	2	1
Mallabitarrak	15	7	8
Mañariarrak	7	6	1
Otxandiarrak	10	9	1
Zaldibartarrak	7	5	2

“Izena duen guztia omen da” eta izenik ez duena? “Lo que no se nombra no existe” esaten du sarri nire lagun batek.

Zenbat emakume daude oraindik bistaratu barik? Asko. Merezi duten asko. Lan handia egin edo egiten dutenak eta erreferente izatea merezi duten emakumeak. Guk pandemiak ahalbidetzen badigu elkarrekin jarraituko dugu Durangoko Andragunean wikipedia elikatzen, eskualdeko emakumeak bistaratzen edota beste hizkuntza batzuetan sortuta dauden perfilak itzultzen.

2021eko lehenengo wikisaioa urtarrilaren 15ean izango da. Arratsaldeko 5etatik aurrera. Ateak zabalik daude, aforoa bete arte. Informazio zabalagoa Andragunean edo wikiemakumeokdurango@gmail.com posta bidez. Erdu genero arrakala murriztera.

Marisa Barrena psikopedagogoa da

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.