Pantxike eta Patxikotxu batera heldu dira plazara. Lehorte luzearen ostean jaiei hasiera eman diegu.
Inkizizioak erre ez zituenen alaben ordua izan da. Inork ez zigun esan erraza izango zenik, baina Feminista euskaltzaleon momentikoa izan da.
Egunero berdintasunaren alde eta erasoen kontra borrokan dabiltzen andrak goraipatu ditugu. Bidelagun feministei eskerrak eman dizkiegu. Gora ahizpatasuna ohikatu dugu.
Besarkada bat helerazi diegu Durango euskaldunago baten alde lanean diharduten euskaltzale guztiei.
Hemos querido compartir el momento mágico con las personas, que han venido de otros pueblos, con las que han llegado de otras tierras. Hemos agradecido a Durango el habernos acogido. Inor ez dadila ilegala izan herri honetan, aldarrikatu dugu.
Folklorezaleak, dantzazaleak, kantuzaleak, antzerkizaleak, bertsozaleak, agurtu ditugu, sustraiak jagoten eta herritarrak alaitzen jarraitzeko eskatuz.
Lanean, etxeetan, egoitzetan, ospitaletan edo kartzeletan daudenei mosu handi bana bidali diegu eta datorren urtean elkar ikusteko itxaropena helerazi diegu.
“Disfrutatu, dantzatu, kantatu, besarkatu, maitatu, musukatu, errespetatu eta
ERASORIK EZ, inolako ERASORIK EZ gure jaietan. Gora Borroka feminista. Gora Durango euskalduna. Gora Durangoko jaiak” esanez amaitu dugu pregoia.
Udaletxeko balkoira mezu hau irakurtzera irten eta hainbeste lagun eta herritar aurrean ikusteak sortzen duen zirrara, ezin da berbaz adierazi. Ederra izan da momentua, emozioari eutsi ezinda irakurri dut pregoia. Amparoren babesa eta maitasuna sentitu ditut uneoro.
Zoragaria izan da kalera irten ostean lagunen eta herritarren besarkadak eta zorionak jasotzea.
Violetak abesten zuen lez “Gracias a la vida que me ha dado tanto”
Amparo eta bion izenean, “Eskerrik asko Jai Batzordeari txupinlari eta pregoilari izateko aukera” emateagatik. Eskerrik asko lagun eta adiskide guztioi.
2022ko Durango Jaiak nire memorian iltzatuta geratuko dira.
Cargando...