Jaietako usaina duten gau epel eta atsegin horietako batean, etxera joateko gogo barik, kalean nengoen ni ere. Gaueko hamahikak ziren eta tenperatura atseginarekin ondo geunden herriko plazan. Giro baketsu hartan, bi gaztetxo ikusi nituen, bizikleta berean, zoroarena egiten. Alde batetik bestera, eta kontrako norabidetik hurbiltzen. Halako batean, bizikleta ondo aparkatuta utzi eta tabernara sartu ziren. Adin txikikoak ziren. Bai horixe, hamalau edo hamabost urteko mutikoak. Tabernara sartu eta berehala irten ziren. Ez zieten saldu alkoholdun edaririk. Jakina, ume aurpegi horrekin??? Adin txikikoei likorrak saltzea debekatuta dago baina euro gutxi batzuen truke denetarik ikusten da.
Minutu luze batzuen ondoren, melokotoi likorra esku batean eta bestean tabakoa. Malboro markadun paketea zeraman. Nola lortuko ote zuten? Denda txiki batera sartzen ikusi nituen eta bertatik atera zituzten tabakoa eta likorrak.
Edan eta erretzearen eraginez, mozkortuta zeuden edo paiasoarena ondo baino hobeto egiten zekiten. Boteilak apurtzen hasi ziren, lurrera bota eta bota ia nork botatzen dituen gehien. Modan jarritako joko bat izango da. Nik aitortzen dizuet, ez dakidala zein kirol den hori. Ingurua kristalez, platikozko poltsaz eta edalontziz beteta zegoen. Azken boladan hain ospetsua bihurtu den boteioia zen. Izkutuko tokietan neska mutilek egiten duten festa.
Handik metro batzuetara nengoen eta bertatik zertaz ari ziren ere, jakin nahi nuen. Mutil eta nesken parranda bat besterik ez zen baina gazteegiak. Zenbat urte izango zituzten? Hamahiru, hamalau, hamabost??? Nik gazteegiak ikusten nituen baina nesken eta mutilen adina zehaztea konplikatua da.
Auzokide bat izango ote zen edo ez dakit???baina halako batean, udaltzaingoa azaldu zen. Gazteek ez zutela ezer txarrik egiten pentsatu arren, batek zigarroa lurrera bota, eta besteak korrika egiteari ekin zion. Han lurrean etzanda neska gazte bat ikusi nuen. Jakina, zeozer egiten ari ziren. Neska gaztearen alkondara apurtuta zegoen.
Toki hartatik zertaz ari ziren ondo ulertzen ez banuen ere, jakingurak atrapatuta geratu nintzen. Minutu luze batzuen ondoren, beste bi udaltzain azaldu ziren mutilen parranda moztera. Baina gau epel hartan zerbait larria gertatu zen. Udaltzaingoarengana hurbildu eta zer gertatu den galdetu nionean adin txikiko bati akosatzen, ipurdia ikutzen eta horrelakoak egiten ari zirela erantzun zidan. Han zegoen neska gaztea, lurrean etzanda negarrez eta beldurtuta. ???Ez??? esaten denean, ???ez??? da.
Cargando...