Hiperdialektalismoa ez da euskara nazionala

Aspaldion Durangaldeon ikusten ari gara,
batez ere, udan, baina ez bakarrik hizkuntza
nazional estandarrean, alegia, euskara batuan
ez diren idazkiak. Dirudienez, alperrik ibili
ziren/ginen Euskal Herriari hizkuntza bateratu
bat ikertzen eta arautzen, Villasante,
Mitxelena, Aresti, Txillardegi, San Martin eta
beste.

Alperrik, baita ere, diktadura ostean,
euskarari maila ofiziala lortzen: 1980ean,
orobat, euskararen normalizaziorako bidean
legeztatzen 1982an.

Alperrik, hainbeste irakasle, 1982 ostean,
D eredua eskoletan irakasten eta
komunikabideetan: EITB (1982/5), prentsan
eta bestetan, zintzoki hori betetzen.

Alperrik aritu, eskolan  ezagutzarik
ezaz, euskaldun analfabetoek alfabetatze
kanpainetan, gero, euskalduntze ikastaroekin
koordinatuz AEK erakundea, Euskaltzaindiaren
babespean sortuko zena, 80 hamarkadan
elkarte bezala, ezagutzen duguna. Dena
botako zuten batzuk hankaz gora.

Azkena, Mañariko Udala, jaietako
programa euskara moduko batez argitaratu
du. Mañariko seme Ebaristo Bustintza
???Kirikiño???k edo bere iloba
Errose Bustintza
???Mañariko???k sekulan ezko
idatziko luketen moduan ez du egin, alegia,
bizkaiera literarioan, orduko goi erregistro
batean, bi mañariar idazle ospetsuak.
Gainera inoiz ez da ahoskatu
???jaixek???- hori ez da hemengoa,
baizik eta Artibai aldekoa. Hemen
???jaidjek??? ahoskatu da beti
Mañarian, Atxondon edo Abadiñon
eta, horrela beste berba asko txarto
transkribatuta, laburduren laburduraz,
desitxuratuaz aparte. Nonbaiten gordea dut
testu lotsagarria joan den abuztuan agertu
dena.

Arrazolako jaien programa
bat kritikatu genuela eta, izugarrizko
zaparrada hartu genuen eta atzera itzuli dira
lehengora. Bernakoek ere, berdinean
jarraitzen dute. Baina ez naute ixilduko!

Inoiz idatzi dut Cadizen egon
naizenean ez dudala ???Cai???
kartelik ikusi, nahiz eta horrela ahoskatu
bertakoek. Edo ???Zebiya???,
???Uerba???,
???Graná???, baizik eta
erregistro arautuan, Sevilla, Huelva eta
Granada. Hori edozein hizkuntza nazionaletan.
Hemengo batzuentzat ez ordea, ez dago
araurik, ez naziorik, ez ezer, anarkia da
nagusi.

Euskal Herria ez da nazio
bat, baizik ere txoko mordo bat. Sabino
Aranak aspaldi idatzi  zuen zein zen gure
aberria. Ba dirudienez ez dute sinesten aberri
horretaz eta abertzaletasunaz ere ez, ondorioz.

Beste batzuk Euskaltzaindiarekin lotuko nauzue. 1966tik euskaltzain urgazle, 1969tik idazkariorde eta kudeatzaile, eta 2003tik euskaltzain oso