Amaia Egañaren heriotza ezagutu denetik, geure onetik atarata gabiltza. Bere buruaz beste egin zuenetik, gauzak zeharo aldatu egin dira. Sumindu egin gara. Oraingoan, herritarrak kalera irten dira, hipoteka ordaindu ezinik dauden herriarren arazoak denon arazoa dela ohartarazi gara, kalean gero eta zabalagoa da kaleratzeei aurre egitearen aldeko oihua, bankuei hiltzaile direla esaten hasi dira, bulegoetako hormetan pintadak egiten. Hankaz gora jarri zaigu mundua: epaileak eta agintariak protestan, polizia desobedientziara deitzen eta bankuak, desjabetzeak bertan behera utziko dituztela iragartzen. Zein jatorrak diren, ezta?
Astebetean nola aldatu diren gauzak! Poliziaren sindikatuak esan du, babestu egingo dituela etxe kaleratzeak egiteari uko egiten dioten ertzainak. ???Sentiberatasun handiagoz???, aritzeko eta ???pasetibitate handiagoz??? aritzea esan diete sindikatuko arduradunek. Orain dela gutxi telebistako kateetan kolpeka ikusi ditugun horiek dira. Etxe kaleratzeak geratzeko neurriak hartzeko edota justizia eta gizateria arrazoiengatik egiteko eskatu diete.
Hipoteka Legea berehala aldatzeko beharra berretsi dute beste behin epaileek. Proposamen zehatza egin du Nafarroako Justizia Auzitegi Nagusiko presidente Jose Manuel Fernandezek: kaleratuak diren familiei etxe bat uztea dohainik. ???Lehentasuna etxebizitza eskubidea bermatzeak izan behar du???. Horrelako iritziak aste honetan zehar entzun dira. Bankuek eta kutxek ere hitz egin dute, muturreko egoeran daudenei ez dietela etxerik kenduko. Jendea etxetik botatzeari utziko diotela jakinerazi dute, betiere muturreko beharrean baldin badaude pertsona horiek.
Aste honetan baita Espainiako gobernuak dekretu bat onartu du eta dekretu honek hiru talde lituzke berezi gogoan, adinekoak, gaixoak eta familia ugariak, eta finantza erakundeekin hipoteken baldintzak berriro negoziatzeko bideak zehaztuko litezke. Kasu honetan, erabateko akordiorik ez da izan.
Baina guztia ikusirik, galdera asko bururatzen zaizkit. Nor ez dute botako? Xehetasun gutxi:??? Gaixo larriak, mendekotasuna dutenak, adinekoak edo umeak dituztenak izan litezke???. Beste galdera bat: hipoteka pagatu ezin dutenei etxea kentzeko hasita dauden prozedurekin zer gertatuko da? Azalpenik ez da ezagutzen kasu honetan ere.
Zenbat aldatu diren gauzak eta diot, orain arte ez ikusiarena egiten ibili gara? Itsututa egon gara? Ez, ez gara enteratu gaur arte, zer ginen itsuak ala gorrak? Gaur arte ez diegu entzun ez dagoela eskubiderik, gizartearen kontra doala, legeak herritarrak babesteko direla eta ez alderantziz.
Cargando...