Berrizko Udalak adinekoei zuzendutako irteera bi antolatu ditu maiatza eta ekainerako. Lehena Leioara, Txakolinaren museoa ikustera, eta bigarrena Santiago mendira, Nerbioi ibaiaren jaiotza lekura. Biak doanekoak dira.
Leioako Txakolinaren museoa ikusteko bisita gidatua maiatzaren 20an izango da. Autobusa arratsaldeko 3etan irtengo da BBK aurretik.
Bestalde, Santiago mendira irteera ekainaren 5erako antolatu dute, Nerbioi ibaiaren jaiotza ikustera. Autobusa goizeko 9:30etan irtengo da, BBK aurretik. Egun osoko irteera izango da.
Irteera biak doan dira eta joan nahi dutenek jubilatuen etxean eman beharko dute izena.