Xabier Irakulis zazpigarrena izan zen Derion, Bizkaiko Bertsolari Txapelketaren saioan

Orozkoko saioan arituko da Garikoitz Sarriugarte zaldibartara. — Orozkoko saioan arituko da Garikoitz Sarriugarte zaldibartarra.

Bizkaiko Bertsolari Txapelketaren Udabarriko Fasearen bosgarren saioa jokatu zen zapatuan Derion, eta bertan aritu zen Xabier Irakulis zornotzarra zazpigarren sailkatu zen. Uribe Kostako Imanol Uria izan zen zortzi bertsolari bildu zituen saioko irabazlea.

Fase honetako saio bakoitzean sei bertsolari lehiatzen badira ere, Derion jokatutako bosgarren ekitaldiak zortzi partaide bildu zituen. Kanporaketa ikuslez beteta zegoen Gurea aretoan egin zen eta eskualdeko ordezkari bakarra Xabier Irakulis izan zen.

Irakulisek 139,5 puntu lortu zituen eta zazpigarren tokian sailkatu zen, eta Imanol Uria irabazleak berriz 198 puntu lortu zituen. Bildutako puntu kopuru horrekin Udabarriko Faseko sailkapenaren buruan jarri da Uria, Nerea Ibarzabal baino puntu erdi gehiagorekin eta Arrate Ilarro baino puntu bat gehiagorekin.

Derioko saioko bigarren postua Uribe Butroeko Mikel Goirienarentzat (180) izan zen eta jarraian Uribe Kostako Beñat Vidal (166) Lea-Artibaiko Aissa Intxausti (161,5), Enkarterri-Ezkerraldea-Meatzaldeako Ion Barrocal (157,5) eta Itsaso Paia (156,5) sailkatu ziren. Zortzigarrena Busturialdeko Koldo Gezuraga (132) izan zen.

Gai emaile beharretan Amaia Ugalde aritu zen eta epaimahaikideak Jon Jaio, Mirari Azula eta Miriam Juaristi izan ziren. Idazkaria berriz Itziar Basterretxea izan zen.

Sarriugarte, Orozkon

Bizkaiko Bertsolari Txapelketaren Udabarriko Faseko kanporaketa bi jokatuko dira datorren asteburuan. Lehena zapatuan, izango da, Sodupeko kultur etxean (Gueñes), arratsaldeko 17.30ean hain zuzen. Agertokian Axier Goñi, Eneko Arrate, Jon Larrabide, Josu Landeta, Peio Arondo eta Txaber Ormazabal arituko dira.

Asteburuko bigarren saioa domekan izango da Orozkoko Donibane aretoan, arratsaldeko 17.30ean hasita. Partaideen artean Garikoitz Sarriugarte zaldibartarra egongo da eta berarekin batera Asier Galarza, Ekaitz Larrazabal ‘Katxo’, Ibon Larrazabal ‘Larra’, Joanes Igeregi eta Nuria Cortada igoko dira oholtzara.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.