Zaldibarko EH Bilduk parkeko hotela mantentzea eskatzen dio Udal Gobernuari

EH Bilduk hainbat proposamen aurkeztu dio Zaldibarko Udal Gobernuari gaur arratsaldeko osoko bilkuran eztabaidatuko den 2021eko aurrekontuaren inguruan. Koalizio abertzaleak argi du egin dituzten ekarpen guztiak atzera botako direla, eta horregatik, ezezkoa emango diote EAJk eta PSEk aurkeztutako aurrekontu proiektuari.

Egindako proposamenen artean “parkeko hotela mantentzea eskatu diegu, eraikin hori garai baten zeuden hotela eta bainuetxearen azken aztarnak direlako”, Aitor Lopez EH Bilduko kidearen esanetan

Nahiz eta etxeak balio handirik ez izan eta eraikinaren atzealdeak Euskal Herria kalera ematen duen, “eraikina egoera onean dago eta Osakidetzako osasun zentroa handitzeko, adineko pertsonendako zerbituak eskaintzeko edo gazteentzako etxebizitzak egiteko erabili daiteke”, Lopezen ustetan.

Gobernu Taldeak, berriz, “eraikina bota eta bere lekuan Kultur Etxea eraiki nahi du”, EH Bilduko zinegotzien esanetan. Jeltzaleek, gainera, hauteskundeetarako aurkeztu zuten programan “Elexpe Sanjuangoa eraikinean Kultur Etxea egitea proposatu zuten”, gogoratu du Lopezek eta ezker abertzaleko zinegotziek ere aukera horren aldeko dira.

2021eko aurrekontu proiektuarekin beste hainbat desadostasun adierazi dituzte. Eskolako patioaren eraberritzeari 1000 herritar baino gehiagok beraien sinadurekin babestu zutela gogoratzen du Eneritz Azpitarte EH Bilduko bozeramaileak. Hala ere, Jose Luis Maiztegui alkateari “bere hitza ez betetzea eta herritarren nahiei entzungor egitea” leporatu dio.

Igogailuaren proiektua

Koalizioak bestelako arrazoiak ere adieraztenditu aurrekontu egitasmoari ezezkoa emateko. 2021erako 47.763 euroko diru-atala aurreikusten da Eusko Trenbide Sareakek Aranguren auzorako pasarela egiteko eta “Juan Mari Uriarte alkate ordeari entzun diogu proiektu honek ez duela zaldibartarrentzako kosturik izango”, Azpitarten esanetan. EH Bilduren ustez, gainera, San Andres auzoa lotzeko igogailuak lehentasuna izan beharko luke.

Gaur egingo den plenoan Elizondon jarri nahi den igogailuaren proiektua ere onartuko da. Egitasmo horren kontra dauden herritarrak agerian utziko dute euren jarrera eta atzera egin daitekeela azpimarratzeaz gain “lehentasunak birplanteatu eta herritarrekin batera erabaki egokiena hartzeko” aukera dagoela adierazi du Lopez.